Tilleggspoeng for pugg – Høgre sitt siste utspel

Erna Solberg

No er Høgre i gang. Dei ynskjer å gje ekstrapoeng til dei som vel 2. framandspråk som fordjupningsfag. I fylgje Dagens Næringsliv er dette måten å reformere einskapsskulen.
Eg meiner at dette er ikkje vegen å gå. Me treng ikkje differensiering av dette slaget. Me treng lærarar som bryr seg, som har fagleg høg kompetanse og som er motiverte og ynskjer å gjere ein så god jobb som råd. For å få dette til skal lærarane ha:

Tilbod om etter og vidareutdanning

Høg nok løn

Aktive foreldre og føresette

Gode arbeidsvilkår

Respekt for det arbeidet dei gjer

Laga langsiktige planar – lat kunnskapsløftet liggja i 8-12 år

Dette er noko av det som kan forbetra skulen i dag. Me har ein bra skule, men den skal heile tida vera i endring i høve det samfunnet me lever i. Eg meiner det ikkje er rom for segregering i heilskapsskulen som eg meiner er eit gode for elevane. Dei fagleg dyktige kan og skal ha rom til å utvikla seg, men det er heilskapen me må ta vare på. I fylgje eit av formåla i opplæringlova skal ein (sitat) Elevane og lærlingane skal utvikle kunnskap, dugleik og holdningar for å kunne meistre liva sine og for å kunne delta i arbeid og fellesskap i samfunnet. Dei skal få utfalde skaparglede, engasjement og utforskartrong. . Dette gjer ein i lagspelet der alle, eller i alle fall så mange som råd er involvert.